Безнең 5 а сыйныфы сугыш һәм хезмәт ветераны Каюмов Гайнетдин бабай һәм Әбәдия әби янына ярдәм итәргә йөри.Сыйныф сәгатендә шефлык өчен җаваплы кешеләр билгеләдек, алар Насретдинов Ислам һәм Сергеев Рамил.  Сыйныф җитәкчебез Алсу Фәритовна безне укый башлавыбызның беренче атнасында ук танышырга алып барды. Гайнетдин бабайга инде 88 яшьбулса да, ул әле өйдә бөтен эшне диярлек үзе башкара, без барганда да мунча тирәләрен ремонтлап йөри иде. Әбәдия әбинең аяклары авырта, өйдә ул коляскада гына йөри ала, шуңа күрә алар белән әбинең кызы Рузилә апа яши. Шулай ук социаль хезмәткәр Гыйниятуллина Фатыйма апа да килеп йөри. Быел Гайнетдин бабайлар өйләренә зур ремонт ясаганнар, өйгә өстәп пристрой эшләгәннәр, без барганда обойлар , түбәгә плиткалар ябыштырып яталар иде. Сардор кибеткә клейга барып кайтты, кызлар плиткалар биреп тордылар.

Икенче атнада бабай безне үзе чакырып алды, ремонт вакытында чыккан китапларын алар безнең мәктәп китапханәсенә бүләк итәргә теләүләрен әйттеләр. Без аларны мәктәпкә алып кайттык. Өченче атнада барып хәлләрен белештек.