Бүген безнең мәктәп базасында Төбәкара семинар булып узды. Семинарның үзәк темасы: “Зариф Бәшири эзләре буйлап...” дип билгеләнгән иде һәм ул күренекле якташыбыз, мәгърифәтче, шагыйрь, публицист  язучы Зариф Бәшири истәлегенә багышлап уздырылды. Аның эшендә Республика мәгариф һәм фән министрлыгы вәкиле, язучылар, Чуваш Республикасы һәм Башкортстан  мәгариф хезмәткәрләре һәм республика районнарыннан мәгариф идарәләренең милли мәгариф һәм төбәкара хезмәттәшлек буенча методистлары катнашты.  Бу әһәмиятле форумда районыбыз башлыгы Альберт Илгизәр улы катнашты һәм чыгыш ясады. Шулай ук район мәктәпләреннән директорлар һәм татар теле укытучылары бу семинарда актив катнаштылар.  Семинар кысаларында мастер- класслар күрсәтелде һәм  пленар утырышта чыгышлар тыңланды. Килгән кунакларга мәктәп буенча һәм  музейга экскурсияләр оештырылды.