Сабыйның рухы ни бирсәң, шуны алыр. Бала  иң элек үз халкының хәрефләрен күрсен, үз авазын ишетсен, үз сүзләрен, үз җөмләләрен тикшерсен. Кечкенә куллары иң элек ана теленең сүзләрен язсын. Сабый йөрәгендә алар тирән эз салачак һәм шул беренче нигез булачак. Сабыйның акылы икенче урында тора. Һәр нәрсәне ул тойгысы белән каршы ала. Иң элек укыган әкиятләре үз телендә булсын, иң элек ишеткән вакыйгалары, иң элек исемен күргән язучылары үз халкыннан булсын.” – дигән бөек әдибебез Г. Ибраһимов. Шушы сүзләрне Кайбыч төбәгендә үзешчән иҗат белән шөгыльләнүчеләр тагын бер кат  исбат иттеләр. 6 сыйныф укучыларышигырь бәйгесендә катнашу бәхетенә ирештеләр. Галия Кайбицкая музее каршысында иртәдән үк салмак кына көй яңгыравы, ягымлы кояш нурларына күмелгән көн, укучыларыбызның  сәнгатькә гашыйк булулары  бәйрәм рухын күтәрде. Бар  җыелган авыл  халкы, Тукайны искә алып, тантана итте.