Бүген Халыкара туган телләр көне билгеләп үтелде. Мәктәптә бара торган атналык кысаларында балаларда туган телгә мәхәббәт тәрбияләү  һәм укучылар иҗатын яктырту максатыннан "Әдәби кунакханә" үткәрелде. Бу көнгә балалар һәм укытучылар күптән әзерлек алып барды. Үз шигырьләрен укырга теләгән һәрбер укучы бүген кунакханәгә чакырылды һәм тамашачыларга иҗат җимешләрен тәкъдим итте.  Кичәне алып баручы Сөнгатуллина Л. Х. укучыларга туган тел, татар теле, туган ил, туган җир кебек төшенчәләрнең кеше өчен иң мөһим төшенчәләр икәнлеген искәртеп үтте. Сәләтле укучылар иҗат иткән шигырьләрнең  күбесе туган җиребезгә багышланган булуы да шул хакта сөйли. "Әдәби кунакханә" залда утыручы балаларда зур тәэсир калдырды, аларда да сәхнәдән үз шигырьләрен уку теләге уятты.  Бәлки якташларыбыз Г. Кайбицкая, Ш. Галиев, Ә. Шамин кебек талантлы шәхесләр бәлки шушы залда утырадыр!?