Татарстан Республикасы мәгариф һәм фән министрлыгы 2024 нче елның 26-28 нче гыйнварында рус мәктәбендә укучы татар балалары  өчен татар теленнән, 28-30 нчы гыйнварында татар әдәбиятыннан республика олимпиадасының йомгаклау этабын үткәрде. Республика олимпиадасында район турында җиңү яулаган  11 нче сыйныф укучысы Гайнетдинова Алинә  ( житәкчесе Булатова Г.А.) катнашты.
        Олимпиада нәтиҗәләре буенча Алинә  призер булды. Бу җиңү җиңел бирелмәде, әлбәттә. Моңа ирешү өчен күп эшләр эшләргә, күп утырырга, әзерләнергә туры килде. Ул  бик күп чыганаклар белән эшләде, сорауларга җаваплар эзләде, “баш ватты”. Олимпиадага әзерләнү барышында  үзен җитди, тырыш икәнлеген күрсәтте, бирелгән һәр мәгълүматны дикъкать белән өйрәнде.
       Һәр уңышка ирешүнең сәләт-талант нәтиҗәсе генә түгел, ә тырышлык нәтиҗәсе икәнен беләбез. “Сәләтнең бер өлеше тумыштан, тугыз өлеше тырышлыктан” мәкале   нәкъ шул хакта. Укучылар арасында  Алинә кебек тырыш балалар күбрәк булса,  мәктәп, район данын яклаган җиңүләр бихисап булыр иде.
        Алинәгә киләчәктә яңадан-яңа уңышлар юлдаш булсын, тырышлык  очкыны ялкынга әверелсен.