26  апрель  көнне  10 сыйныф укучылары Баһавиева Язилә, Ишбулатова Гөлинә (җитәкчеләре Сөнгатуллина Л.Х.), 11 б- дан Низаметдинова  Айгөл (җитәкчесе Хәмидуллина А.Ф.), 7а -дан Камалиева Раилә (җитәкчесе Мусина Р.Н.) КФУ ның Филология һәм сәнгать институтында 5 нче Бөтенроссия “Илһамлы каләм” бәйгесенең бүләкләү тантанасында катнаштылар.  Бу хокукка ия булыр өчен алар үзләренең иҗади эшләрен тәкъдим иткәннәр иде. Ул эшләр арасында проза әсәрләре дә,  шигырьләр дә бар. Финалга чыгуларын белгәч, һәм шундый мәртәбәле бәйгегә чакыру килгәч, балалар зур дулкынлану һәм шатлык кичерделәр.  Бу чын мәгънәсендә дә истәлекле тантана иде. Россиянең төрле төбәкләреннән килгән иҗат сөючеләр каршында күренекле галимнәр, язучылар һәм башка әдәбият , сәнгать әһелләре чыгыш ясады. Укучыларга сертификатлар,ә җитәкчеләренә Рәхмәт хатлары тапшырылды.