Бүген мәктәпнең актлар залында 5 а һәм 11 б сыйныф укучылары тарафыннан әзерләнгән сыйныф сәгате әнә шулай атала иде. Чараны оештыручы 5а сыйныф җитәкчесе Ләлә Абдулловна Гарәфетдинова балаларда зур кызыксыну уятты, залдагы 100 ләп укучы тын да алмый сәхнәне күзәтте. Залның бизәлеше дә игътибарга лаек иде: нинди генә яулык, шәл, косынка, шарфлар юк иде анда!? Сыйныф сәгатенең үткәрү формасы итеп телдән журнал алынган. Балаларның, яки журналистларның чыгышлары видеоролик һәм биюләр белән чиратлашып барды. Гади генә булып күренгән яулык турында никадәр тарихи һәм мәдәни эчтәлекле мәгълүмат, никадәр яңалык җиткерелде тыңлаучыларга!      Барлык катнашучыларга бигрәк тә "стилист киңәшләре" ошады. Бу рубрикада 11 б кызлары чыгыш ясады. Алар яулык һәм шарф бәйләүнең төрле ысулларын демонстрацияләп кенә калмадылар, шунда ук ул ысулларны өйрәтеп тә бирделәр, төрле аксессуарлар белән бизәү алымнарын күрсәттеләр.     Яулыклар дөньясында чынлап та кызык икән.