Кешеләргә генә түгел, кошларга да мәрхәмәтле булырга кирәк, диләр. Шуңа күрә мәктәбебездә язын сыерчык оялары ясап элү традициясе яшәп килә. Алдагы елларда барлык укучылар да бу изге эштә актив катнашып килделәр . Быел һәр сыйныфтан ике оя ясап килергә тәкъдим ителде. Алар арасыннан иң матурлары сайлап алынып, урыннар билгеләнәчәк. Классыбыз белән бу эштән без дә читтә калмадык, егетләребез Шакиров Айдар белән Гашыйгуллин Ильмир  сыерчык  оясы ясап килделәр. Аларны мәктәп янындагы агачларга кую планлаштырыла. Рәхәтләнеп сайрасыннар  канатлы дусларыбыз!