Яңа 2019-2020 нче уку елына әзерлек буенча Кече Кайбыч башлангыч мәктәбе һәм “Сандугач” балалар бакчасы коллективы тарафыннан зур тырышлык белән төрле эшләр башкарылды. Алдагы уку елының кыш уртасыннан ук чәчеп үстерелгән чәчәкләребез яздан бөтен мәктәп һәм бакча тирәли утыртылган иде . Җәй буена хезмәткәрләребез аларны су сибеп тәрбияләп тордылар. Нәтиҗә буларак белем йортыбыз шаулап торган чәчәк бакчасына әверелде. Төрле төстәге аллы-гөлле чәчәкләребез тирә- юньгә ямь биреп тора. Яшелчәләр утыртылган участокта исә эре-эре суганнарны да , кып-кызыл булып пешеп утырган помидорларны да, зур-зур кәбестәләрне дә күрергә була. Әзерлек максатыннан мәктәпнең сыйныф бүлмәләренә дә косметик ремонт ясалды. Мәктәбебез шулай итеп балаларны каршы алырга әзер. Тырышлыгыбызны тикшерү комиссиясе дә югары бәяләде . Конкурс нәтиҗәләре буенча без икенче урынны алдык һәм өч меңлек сертификат белән бүләкләндек.