Язгы кояш нурлары безнең иң яраткан бәйрәмнәребезнең берсен - 8 март Халыкара хатын-кызлар көнен алып килә. Барыбыз да бу көннәрдә кадерле кешеләребезне шушы бәйрәм белән котлыйбыз. Бүген мәктәбебездә 5-7 сыйныфлар арасында булып узган "Кызлар -язның чәчкәсе"дип аталган кичә-ярыш та кызларыбызны, укытучыларыбызны котлау максатыннан оештырылды. Бу чарада аларның зирәклегенә, уңганлыгына, җитезлегенә тагын бер кат инандык. Малайларыбыз үзләренең матур җырлары белән кичәбезне тагын да җанландырдылар. Һәрбер ярышның җиңүчеләре дә булырга тиеш. Безнең кызлар арасында "Умырзая" дип аталган 7б сыйныфы кызларына тиңнәр булмады, 2 һәм 3 урыннар 5 нче сыйныфларда, катнашучыларның берсе дә бүләксез калмады, директорыбыз Рамилә Рафис кызы мактау кәгазьләре белән бергә һәр уенчыга истәлекле бүләкләр дә тапшырды. Рәхәтләнеп җырлап, уйнап күңел ачтык. Бәйрәмнәрне без бик яратабыз!!!