“Язгы изгелек атналыгы“ кысаларында мәктәбебездә күп төрле чаралар гөрли. Әле дүшәмбе көнне генә авылыбыз уртасыннан аккан Бәрле елгасы тирәләрен чистарткан булсак, пәнҗешәмбе сыйныфыбызның иң актив 5 укучысы сугыш һәм хезмәт ветераны, инде күптәннән шефлык итеп йөргән Каюмов Гайнетдин бабайларга барып ярдәм итеп кайттык. Малайларыбыә бакча киртәләрен ныгыттылар, кызларыбыз бакча тырмалады. Гайнетдин бабай үзе дә тик ятарга яратмый, кызы Рузилә апа белән бергәләшеп, күп эш башкардык. Яхшылык җирдә ятмый, берегез да бу изге эштән читтә калырга тырышмагыз.