Март - күренекле язучы, җәмәгать эшлеклесе, тарихчы галим Г.Ибраһимовның туган ае, шул уңайдан башкалабыз Казанда фәнни-гамәли конференция булып үтте. Анда икенче турга үткән яшь галимнәр көч сынашты. Районыбыздан ике укучы катнашты, шуларның берсе мәктәбебезнең 9 а сыйныфы укучысы Газизуллина Ләйлә 1 урын яулады (җитәкчесе Хәмидуллина А.Ф.). Ләйлә мондый бәйгеләрдә беренче тапкыр гына катнашуына карамастан, үзен бик ышанычлы тотты, эше белән жюри әгъзаларын чынлап торып кызыксындыра алды. Киләчәктә дә уңышлар юлдаш булсын сезгә!