Яңа ел балалар өчен ул-әкият.Бу вакытта балалар Кыш бабайның,Кар кызының килгәнен һәм бүләкләр көтәләр.Балалар сыйныф җитәкчеләре белән  кабинетларны бизәгәндә үзләренең осталыкларын күрсәттеләр.Барлык бүлмәләрдә дә Яңа елның килүе чагыла иде.Кич белән мәктәп бинасында  төрле төстәге лампочкалар җемелди.1-4 нче сыйныф укучылары өчен 2022 нче елның 26 нчы декабрендә озак көтелгән Яңа ел бәйрәме булды.Балалар зур куанычлар белән Кыш бабайны,Кар кызын каршы алдылар,тамашачылар гына булып калмадылар,шигырьләр сөйләделәр,җырлар җырладылар,конкурсларда катнаштылар,күңел ачтылар.Бәйрәм барышында әти-әниләр балаларның ничек шатланганнарын күрделәр.