Әлеге матур көнне безнең балалар бакчасында балалар өчен милли бәйрәм - САБАНТУЙ үткәрелде. Әлеге бәйрәм балаларны  халкыбызның гореф-гадәтләре белән тирәнтен  таныштыру, үзара дуслашу һәм берләштерү, уеннар аша сөйләм телен үстерү, сәламәт яшәү рәвешен пропагандалау, милли  спорт уеннарына кызыксыну уяту максатыннан оештырылды.  Сабантуй бәйрәмен зурлар төркеме ачып җибәрде. Алар музыкаль сәламләү комозициясе  башкардылар. Сабантуена багышланган җырлар һәм биюләрдән соң  бәйрәмнең кульминацион өлешенә дә күчтек. Балалар матур итеп бизәлгән спорт мәйданчыгына  уздылар һәм милли уеннарыбыз башланып та китте.  Һәр төркем балалары “Су ташу”, “Кашык белән йомырка ташу”, “ Чүлмәк вату”, “Капчык киеп йөгерү”, “Бау тарту”, “Чүлмәк вату” кебек уеннарда катнашып күңел ачтылар.