30 нчы май көнне Алабуга шәһәренең 8 нче урта мәктәбе каршысында  шәһәр мәгариф идарәсе тарафыннан Сабантуйга бүләк җыю чарасы үткәрелде. Мәктәп каршындагы мәйданны тутырып халык җыелган иде.

Чараны 8 нче мәктәпнең милли белем һәм тәрбия бирү буенча директор урынбасары Шакирова Л.З. алып барды.

“Сәйлән” (җитәкчесе Галиуллина Ә.М.), “Баланкай” (җитәкчесе Камышева Ф.М.), “Чулпан” (җитәкчесе Галашина В.В.), “Улыбка” (җитәкчесе Панова Г.Н.), “Задумка” (җитәкчесе Косинцева А.Г.), “Акварель” (җитәкчесе Юлия Юрьева) бию төркемнәре үзләренең матур биюләрен тамашачыларга бүләк иттеләр.

Алия Мазнавиева, Гөлназ Зарипова, Ильвина Кәримовалар татар халык җырларын бик матур итеп башкардылар.

2 нче гимназия коллективы ат җигеп шәһәр буйлап бүләк җыеп менде.

Чарада актив катнашкан  барлык мәктәпләргә һәм балалар бакчаларына бик зур рәхмәт белдерәбез.

8 нче июнь көнне Сабантуйга рәхим итегез!

Ибрагимова Г.Г.

3-72-60