28 нче март көнне Казанда Татарстан  Республикасы мәгариф һәм фән министрлыгы тарафыннан иҗади эшләүче укытучыларның хезмәтләрен бәяләү, татар теле һәм әдәбияты укытучысының педагогик эшчәнлеген активлаштыру, аларның ролен күтәрү, алдынгы тәҗрибәне барлау һәм тарату максатында, татар теле һәм әдәбияты укытучыларының Россиякүләм “Туган тел” мастер- класс бәйгесенең төбәкара туры үтте.

Алабуга муниципаль районы данын 10 нчы урта мәктәпнең татар теле һәм әдәбияты укытучысы Хөсәинова Гөлнара Халис кызы яклады. Ул түбәндәге биремнәрне уңышлы гына башкарды:

- “Туган җирем, мәктәбем, һөнәри эшшчәнлегем” дигән темага презентация 10 минутлык видеоролик күрсәтте;

- “Мастер- класс” үткәрү (видеоязмада тәкъдим ителде, 10 мин);

- дәрескә методик комментарий (2 - 3 мин) бирде.

Бәйге нәтиҗәләре 26 нчы апрель көнне Казанда үткәрелә торган татар теле һәм әдәбияты укытучылары форумында  билгеле булачак.

Алабуга районы данын яклаган Гөлнара Халисовнага бәхет елмаер дигән өметтә калабыз.

Ибраһимова Г.Г.

3-72-60