Бүген 26 апрель көнне “1- нче гимназия- Милли белем бирү үзәге”ндә Габдулла Тукай тууына 133 ел уңаеннан “И туган тел, и матур тел” дип исемләнгән шигырь уку остасы һәм методик эшләнмәләр муниципаль конкурсының бүләкләү церемониясе узды. Бәйрәмдә Алабуга һәм Яр Чаллы шәһәрләре балалар бакчаларыннан 2-7 яшьлек балалар катнашты.

    Конкурска 83 видеоэш кабул ителде. Балобонова А.А., Билалова А.Р., Низамова Н.Б., Вагизова Л.Г., Шарафутдинова Т.Х. жюри агъзалары тарафыннан 37 бала иң яхшы шигыръ остасы дип кабул ителде Һәм 1,2,3 урыннарга лаек будылар. Урыннар  Г.Тукай шигыръләрен татар һәм рус телендә уку, сәхнәләштерү номинацияләрендә билгеләнде. Иң оста шигыръ сөйләүчеләр Алабуганың 1, 17,18, 20,22,24,25,26,29,30,31,34,35,36,38, Иске Юраш, “1- нче гимназия- милли белем бирү үзәге”, Яр Чалл шәһәре Тургай балалар бакчалары вәкилләре булып чыкты.

     Г.Тукай иҗатына караган методик эшләнмәләр арасында иң яхшысы дип җюри агъзалары: “Лэпбук” номинациясендә- Тямаева Н. А.,12- нче “Кояшкай” балалар бакчасы тәрбиячесе,”Дидактик уен”- Усманова З.М., Гатауллина Р.Н., Галяфутдинова В.В., 26- нчы балалар бакчасы тәрбиячеләре, “Театраль уен” -Гареева Н.Р., Гареева Л.И., 34- нче “Салават күпере” балалар бакчасы тәрбиячеләре, “ИКТ уены”- тәрбияче Шарафутдинова Т.Х., “1- нче гимназия- Милли белем бирү үзәге” лаек булдылар.

   Бәйрәмдә “1- нче гимназия- Милли белем бирү үзәге”ндә укучы мәктәп балаларыны татар биюе, 8А классында укучы Зарипова Гөлназ башкаруында “Бәйрәм бүген” җыры бәйрәмне тагын да ямьләндерде.

   Бүләкләү церемониясендә «Алабуга муниципаль районы Башкарма комитеты мәгариф идарәсе» МКУ методисты Ибрагимовага Г.Г. сүз бирелде.