Бүген балалар бакчасында әти-әниләр җыелышы булып үтте. Алга куелган бурычлар турында сөйләшенде. Күп кенә сорауларга уртак җавап эзләдек. Эшләгән эшләребезгә нәтиҗә ясалды.

Көн бик матур. Җиләк тә өлгереп килә. Бакчадан ерак түгел каенлыкта бик тәмле каен җиләге пешкән.

Көннең матур вакытына туры китереп асфальтка рәсемнәр ясадык. Тырышып ясаган рәсемнәребезне бер нинди яңгыр да юа алмас.

Кояш күренү белән чәчәкләр ачыла башлый. Ләкин матур, җылы көннәр бик аз шул быел. Тирәбезгә күп төрле чәчәкләр утыртсак та бик азы гына калкып чыкты.

Бакча тирәсе әкият сыман булсын дип кулдан килгән кадәр бизәргә торышабыз.

Быелгы җәй яңгырлы булды. Аяк асты дымлы, уен уйнарга бик үк җайлы тугел. Балаларның күңелләрен күтәрү өчен бакча тирәсендә күп тапкыр экскурсия оештырырга туры килде. Бу балаларга бик ошап китте. Саф һавада шулай күңелле яллар оештырылды. 

Бакча тирәсен җыештыру эшләрендә балалар ярдәмгә килә.