Посещение краеведческого музея

Каникул вăхăчĕ  пулин те, шкул ача –пăча сассипе янăраса тăрать. Шкулта графикпе килĕшсе тĕрлĕ мероприятисем иртеҫҫĕ. Эпир 7 -мĕш класра вĕренекенсем, класс ертÿҫипе Зинаида Васильевнăпа, Ҫĕпрел районĕнчи краеведени музейне экскурсие кайрăмăр. Музей ĕҫченĕсем пире ăшшăн кĕтсе илчĕҫ. Экскурсовод уҫă та лăпкă сассипе малтанах  музей историйĕпе паллаштарчĕ. Унтан аваллăх истори секторĕнче мамонт шăмми тата ытти экспонатсем ҫинчен каласа пачĕ. Тепĕр экспозици пирĕн районтан тухнă паллă поэтсем, артистсем,  ăсчахсем ҫинчен пулчĕ.  Район территорийĕнчи уй-хирсемпе вăрмансенче пурăнакан упа, кашкăр, тилĕ, пакша, хăнтăр, пăлан чĕррĕн курăнакан кĕлеткисене курса тĕлĕнтĕмĕр. Пирĕн тăрăхри ҫынсем ĕлĕк тыткаланă ĕҫ хатĕрĕсене, ҫи-пуҫне , тĕрлĕ савăт- сапине хăшне-пĕрне пĕрремĕш хут куртăмăр. Кунтах икĕ пулĕм. Пĕринче чăваш ялĕн пyрт ăш чикки. Унта пир тĕртмелли хатĕрсем, чăваш тĕррисем. Тепринче тутар ялĕн пурт ăш чикки, тутар тĕррисем, арчи ҫинче тюбетейка та пур. Музейра курса савăнмалли, пăхса тĕлĕнмелли ҫав тери нумай. Тавтапуҫ унăн ĕҫченĕсене. Малалла та ĕҫре ăнăҫусем пулса пыччăр вĕсен, куравĕсем  йышлă пулччĕр. Киле таврăннă май, эпир геройсен аллеинче те пултăмăр. Кунта пирĕн ялтан тухнă  Г.Т.Семенов тата А.Ф.Мокшин геройсен бюсчĕсем те пур. Вĕсемпе эпир мăнкăмăлантăмăр.  Ҫамрăксен паркĕнче те уҫăлса ҫÿрерĕмĕр. Карап ҫине тăрса мĕлке ҫапăнтăмăр. Парк Деметьевăра тĕрлĕ самолет, вăрҫă хатĕрĕсем куртăмăр. Экскурсире ҫÿресе эпир хамăр пĕлĕве чылаях пуянлатрăмăр. Ку экскурси районта пурăнакан тĕрлĕ халăх ҫыннисене хисеплеме, тăван ҫĕр-шыва юратма, ҫут ҫанталăка упрама вĕрентет.

                                                 Савлюкова Дарья, 7 класс