Район узәк балалар китапханәсендә Габдулла Тукай исемендәге xv нәфис сүз республика махсус бәйгесенең район этабы үтте. «Шагыйрьләр җиңү җырларын язалар, халык данын алар яулаганнар” дип аталган бәйгедә безнең мәктәптән 3 укучы катнашты һәм призлы урыннар яуладылар. Жюри  өч яшь категориясендә  иң сәнгатьле шигырь сөйләүче берәр укучыны  сайлап алды.2 че сыйныф укучысы Нурия Массарова әлеге бәйгедә 1-4 сыйныфлар арасында беренче урынны яулады.Ул  23-26 нчы апрельдә район данын яклап Казанда узачак гала-концертта катнашачак. Үз чиратында район үзәк китапханәсе дә үз конкурсантларын билгеләде. Мәктәбебезнең 9 нчы сыйныф укучысы Юсупова Айсылу 2 нче урын, 5 сыйныф  укучысы Киямова Азалия  3 че урынга лаек булдылар. Татар шагыйрьләре, язучылары иҗатын  саклап калу,аларны популярлаштыру, яшь буын арасында милли үзаң тәрбияләү безнең төп бурычыбыз.