Район мәдәният йортында зур чара – “Тату сыйныф серләре” дигән ата–аналар комитетлары республика бәйгесенең район этабы узды.Максаты – балаларны тәрбияләүдә белем бирү оешмалары һәм ата–аналар бердәм булып эшләгән иң яхшы коллективны барлау, аларны башкаларга үрнәк итеп күрсәтү, популярлаштыру һәм башкалар. Ике номинациядә үткән бәйгедә  7 мәктәп командасы катнашты. Укытучылар, ата–аналар, балалар бер команда булып чыгыш ясадылар.Без 6-7 сыйныф укучылары,әти-әниләр бу бәйгегә тырышып әзерләндек һәм уңышлы гына  чыгыш ясадык.Дөрес призлы урыннар алмадык.Шулай да бу ярыш безгә бик зур тәҗрибә булды.

         Бердәмлекнең, тырышлыкның нәтиҗәсе –безгә истәлекле бүләкләр һәм боз сараена юллама бирделәр.(Сыйныф җитэкчелэре Муксинова Г., Вагизова Г.) .