"Саулык – иң зур байлык”

                                                 Татар халык мәкале.

       "Саулык – иң зур байлык”, диләр. Чөнки  ул  булмаса, кеше бик күп нәрсәләрдән  мәхрүм.  Сәламәтлек  кеше  бәхетенең нигезе, исәнлек булганда гына кеше үзенең теләгенә ирешә, тирә-юньне танып белә, җәмгыять тормышында актив катнаша,  хезмәттән, уеннар, бию һәм физик күнегүләрдән  канәгатьлек ала.  Кешенең сәламәтлеге – аның шәхси эше  дип әйтү дөрес түгел. Кеше бары тик сау-сәламәт булганда гына җәмгыятькә файда китерә. 
      Сәламәтлек – һәркем үзе күтәрелергә тиешле биеклек. Сәламәтлек – ул чыныгу, дөрес  туклану, көндәлек режим, хезмәт, начар гадәтләрне булдырмау һәм әлбәттә хәрәкәт! 
      Шуларны истә тотып, 10 нчы сыйныф укучылары ( сыйныф җитәкчеләре Хисамиева Рәмзия), боз сараенда булып кайттылар. Шугалакта шуу – бик рәхәт. Укучылар сәгатьләрнең узуын  сизмәделәр дә. Боз сараенда үткәрелгән вакыт бик файдалы һәм күңелле үтте. Чөнки алар шул вакыт эчендә рәхәтләнеп шудылар, бер-берсе белән аралаштылар. Спорт  белән  шөгыльләнү  ,  физик  яктан  гына  түгел,  ә  рухи  яктан  да  тәрбияли.  Ихтыяр  көчен  дә  ныгыта.  

       Шундый кызыклы чараны оештыруда булышкан әти-әниләргә зур рәхмәт!