Һөнәрләр бик күп. Кайсын гына алсак та, аларның һәрберсе җәмгыятебез өчен бик кирәкле. Һөнәре булган, кулыннан эш кил­гән кешенең җирдә һәрвакыт үз урыны, үз юлы, үз һөнәр җимешләре була. Нинди генә чорда яшәсәк тә, без на­муслы хезмәт кешеләре булып көн итәргә тиешбез. «Тырышкан табар, ташка кадак ка­гар» дигән мәкаль һөнәр белгән һәр кешегә туры килә. Һөнәрегез булса, авырлыктан курыкмасагыз, эш яратсагыз, сез үзегезне иң бәхетле кеше дип саный аласыз.

Без 9-11 нче класс укучылары һөнәр сайлауга багышланган ачык сыйныф сәгате уздырдык.Төрле һөнәр ияләре турында чыгышлар әзерләдек, фикер алыштык.     

     Авылыбызның шәфкать туташы Ркоя апа Нуретдинова безнең кунагыбыз булды.

-Шуны онытмагыз: һөнәр сайлаганда сез үз язмышыгызны сайлыйсыз. Сайлаган һөнәрегез үзегезгә ошый һәм шатлык китерә торган булсын,-диеп үзенең киңәшләрен бирде.

    Яраткан хезмәтең булу – зур бәхет. Бу бәхет беркемне дә читләтеп үтмәсен.