Безнең мәктәптә “Тәрбия гаиләдән башлана” дигән  темага ата-аналар  укуы узды. Балаларның, үсмерләрнең һәм яшьләрнең үз-үзләрен тотышларындагы тупаслыклар,кешеләр белән аралашудагы кимчелекләр һәммәбезне борчый. Бу нилектән шулай? Тәрбиянең кайсы урынында нинди ялгышлар җибәрдек? Моны ничек төзәтергә? Тәрбия эшләре буенча директор урынбасары  Камалова Галия үз  чыгышын шундый борчулы соруларга  җавап табуга багышлады.Зал тутырып җыелышка килгән әти-әниләр район мәгариф бүлеге җитәкчесе Хакимов Камил Шамилевич һәм  Чирмешән авылы мәчете имам хатибе Хәбир хәзрәтнең дә тәрбия өлкәсенә багышланган чыгышларын һәм киңәшләрен зур игътибар белән тыңлады.