Һәр гаилә үзе бер серле сандык. Безнең максатыбыз -  шул сандыкны ачып, андагы хәзинәне күрә белү иде. Шул уңайдан, 5 нче сыйныф укучылары (сыйныф җитәкчесе Хисамиева Рәмзия Ирек кызы) , гаилә бәйрәме оештырдылар. Кичәдә шигырьләр, җырлар, биюләр белән бергә ярыш та булды. Әти-әниләр һәм укучылар , һәрбер гаилә бер команда булып, бик матур, төгәл итеп биремнәрне үтәп бардылар. Кичәдә тапкырлыкка, осталыкка, тизлеккә, төгәллеккә төрле биремнәр бар иде. Кичә бик күңелле, файдалы , истә калырлык булып үтте. Ахырдан жюри һәр гаиләгә нәтиҗә ясады, бүләкләр тапшырылды. Кичә тәмамлангач, барысы да кәнагать булып, киләчәктә тагын очрашырга сүз куешып, өйләренә таралдылар.