Иске Кади урта гомуми белем бирү мәктәбе укучылары язгы каникулларын бушка уздырмадылар: төрле конкурсларда, кызыклы очрашуларда катнаштылар, дәрес вакытында алган белемнәрен ныгыттылар. Язучы, шагыйрә, публицист, педагог Рухия Ахунҗанова  белән очрашу да алар күңелендә якты истәлек булып сакланыр. Китапханэче  Гирфанова Рушания һәм  сәнгать җитәкчесе Мөктәсимова Рузилә апалары  мавыктыргыч итеп, әдибәнең тормыш юлы һәм китапханәдә булган  шигырьләре, “Шәһре Биләргә сәяхәт “ китаплары белән таныштырдылар. Мәктәпнең тәрбия эшләре буенча директор урынбасары һәм Рухия ханымның исститут еларындагы төркемдәше һәм дусты Камалова Галия  студент елларындагы истәлекләре белән уртаклашты. Рухия Ахунҗанова   балалар өчен язылган яңа шигырьләрен  укыды , киләчәккә планнары белән таныштырды. Очрашу шагыйрәнең  сүзләренә язылган  җырлар белән тәмамланды.