Республикада чыга торган балалар журналлары белән танышу, вакытлы матбугатька  язылуга этәргеч тудыру максатыннан 2 сыйныфларда балалар журналларына күзәтү үткәрелде. Журналларда  баланың күзаллавы, игътибары, зиһене, фикерләү сәләте үсешенә булышучы күп төрле биремнәр тупланган. Журналлар  шулай ук аларның буш вакытларын тиешенчә оештырырга да ярдәм итә. Һәр балалар басмасында башваткычлар, кроссвордлар, табышмаклар, викториналар, өстәл уеннары, әкиятләр, шигырьләр урын алган.

   Балалар журналлар белән таныштылар, биредә алынган мәгълүмат буенча берсен – берсе уздырып фикер алыштылар. “Безнең максат китап укучы балаларның балалар журналының нигә кирәклеген күзаллауларына ирешү, теге яки бу журналның нәрсә сөйләргә теләгәнлеге турында тулырак аңларга ярдәм итү, вакытлы матбугатька  язылуга этәргеч тудыру”,-ди сыйныф җитәкчеләре Д.Г.Вәлиуллина.