Игелекле булу ул – шәфкатьле, иманлы, әхлаклы булу, сабыр гына сөй-ләшү, мөлаем, ярдәмчел булу. Бу сыйфатлар безгә борын-борыннан әби-бабаларыбыздан мирас булып калган. Гомумән, без әдәп сакларга, инсафлы, намуслы булырга тиешбез. Бу үзе игелеклелекне күрсәтә. Тормышта курен-гәнчә, игелекле булу ул- ярдәмчел булу, кеше хәленә керә белү, читләр хәсрәтенә сөенмәү.

   Игелекле кеше – башка кешеләргә изгелек кылучы зат. Бүгенге көндә изгелек эшләүчеләр шактый күп. Кайберәүләр ятим балаларга ярдәм итә, аларны үз гаиләләренә тәрбиягә алалар.   Бу гаиләләр кешеләргә ярдәм итүне үзенең намус һәм вөҗдан эше дип саный.

    Кешеләр өчен кылган бөтен яхшы гамәлләрне дә изгелеккә мисал итеп була. Кемнеңдер хәлен белү – бу шулай ук игелекле гамәл. Язгы яхшылык атнасы уңаеннан, 10 нчы сыйныф укучылары һәм җитәкчеләре Хисамиева Р., Миначева Илүзәнең хәлен белеп кайттылар. Илүзәгә концерт номерлары һәм күчтәнәч тапшырдылар. Үзләре кызыксынган сорауларын бирделәр. Әңгәмә файдалы үтте. Илүзәнең дуслары бик күп. Ул алар белән интернет аша аралаша. Шулай ук өенә килеп йөрүче дуслары да шактый. Сыйныф-ташлары белән дә гел элемтәдә тора икән. Илүзә җырларга да ярата. Ул өендә, үзлегеннән җырлар өйрәнеп, төрле концертларда да катнаша. Килә-чәктә дә гаиләсенең, дусларының күңел җылысын, ярдәмен тоеп, озак еллар яшәргә язсын Илүзәгә, уңышлар һәрвакыт юлдаш булсын.

    Бу-изгелекнең бер кечкенә үрнәге генә. Әби-бабайларга, авыр хәлле кешеләргә булыштыңмы, өйдә әти-әниеңә, дустыңа ярдәм иттеңме, хәтта теләсә кемгә яхшылык эшләсәң дә, бу – изгелек. Янәшәбездә изгелек кылучы кешеләр күбрәк булса, яшәве күпкә күңеллерәк булыр иде.