Тышта кар-бураннарын туздырып  ап-ак  кыш йөри. Бөтен җир ап-ак кар белән капланган. Бөтен дөньяда аклык, сафлык хөкем сөрә. Өр-яңа җирләрне үзләштергәндәй, беркем дә аяк басмаган яңа яуган карга эз салып баруы − үзе бер могҗиза. Яңа яуган кар өстендә тормышның бар сулышы ярылып ята. Урам буйлап узганда, кемнеңдер өенә эз керүен, кайсыныңдыр урам буйлап узуын күрәсең. Әнә ерак түгел, шаярып уйнашкан эт эзләре ярылып ята, аңа каршы якта − ат чанасы эзе. Мондый хозурлык бары кыш көне генә була ала. Кышның уеннары гына да ни тора бит! Кар йомарлап атышу, җепшек кардан Кар бабай һәм Кар кызы, тагы әллә нинди фигуралар ясау дисеңме − берсе дә калмый. Чаналарга, чаңгыларга да чират җитә. Болар барысы да кыш көне генә була торган күренешләр.  Шуңа күрә без кышны яратабыз”,- диләр икенчеләр.