Табигатьтә әбиләр чуагы дәвам итә. Алтын көзне, табигатьне күзәтү максатыннан башлангыч сыйныф укучылары  көзге табигатькә экскурсиягә бардылар. Табигатьнең матурлыгын, агачларның алтын-сары яфракларын, агач башындагы кош ояларын күреп балалар сокландылар, тирә-яктагы матурлык белән хозурландылар. Ачык һавада барысы бергә физик күнегүләр ясадылар, төрле күңелле хәрәкәтле уеннар уйнадылар. Укытучы апалары  балаларга табигатьтәге үзгәрешләр турында сөйләделәр, һава, җир, кояш, үсемлекләргә игътибарлы булырга   өйрәттеләр.   Ахырдан, балалар гербарий ясар өчен  төрле төсләргә кергән яфракларны җыйдылар. Балаларга экскурсиядә  бик ошады, алар табигать кочагыннан  үзләренә  көч һәм энергия туплап кайттылар.