Балалар- безнең киләчәгебез. Ә киләчәк тормышны төзү өчен сәламәт кешеләр кирәк. Шуңа күрә яшь буынның сәламәт булуы өчен көрәшү- һәркемнең изге бурычы.Хәзерге чорда балаларның сәламәтлеген саклау һәм ныгыту зур әһәмияткә ия. Шул максаттан чыгып укытучы тарафынннан күп төрле чаралар үткәрелә. Мәктәбебездә  беренче чирек башында физкультура дәресләре саф һавада үтә башлый. Саф  һавада  үткәрелгән  физкультура  шөгыльләре  йөрәк-кан  тамырлары, сулыш  алу,  мускул  һәм  башка  мөһим  организм  системаларының  үсешенә  булышлык  итә. Физик  күнегүләрне  эшләгәндә балаларның  сулыш  алулары тирәнәя. Хәрәкәтләр  сулыш алу белән  дөрес чиратлашырга тиеш: кулларны  өскә күтәргәндә, ян-якка  сузганда, гәүдәне турайтканда  һәм  иелгәндә  сулыш  алабыз, ә кулларны  төшергәндә, гәүдәне  иеп  һәм  борылышлар  ясаганда – сулышны  чыгарабыз.Саф  һавада физкультура  шөгыле үткәргәндә борын  аша  сулыш  алуга  игътибар итәргә кирәк. Балалар спорт формасында булырга тиеш: һава торышы үзгәргән очракта  кием дә үзгәрә. “Саф һавада физкультура дәресләре укучыларга көне буена күтәренке күңел бүләк итә”,-ди икенче сыйныф җитәкчесе Д.Вәлиуллина.