Шәфкатьлелек, яхшылык,  мәрхәмәтлелек, тәүфыйк - миһербан, игелек- изгелек, ярдәм, киң күңеллелек, кадер- хөрмәт, наз- игътибар, юмартлык, сабырлык, итагатьлелек һам башка матур төшенчәләрне дә үз эченә алучы, бик киң мәгънәле сүз ул. Димәк, без игелекле эшләрне аеруча күп башкарырга, туганнарыбыз- якыннарыбыз белән тагын да күбрәк аралашырга, бер- беребезгә игътибарлы, ихтирамлы, түзем, миһербанлы булырга, ятим- мохтаҗларга җан җылысын, матди ярдәмне кызганмаска, изге гамәлләр башкарганда юмартлык күрсәтергә тиешбез.                 Яхшылык атнасы уңаеннан, 9 нчы һәм 10 нчы сыйныф укучылары (җитәкчеләре – Вагизова Г.Г.,  Хисамиева Р.И.,)  Миначева Илүзә янында булып кайттылар. Илүзәне котладылар, күчтәнәч тапшырдылар һәм кызыклы гына әңгәмә үткәрделәр. Илүзә дә үзе яратып тыңлый  торган җырын башкар-ды. Чын күңелдән рәхмәтен әйтте. Шулай якыннары, дуслары  белән янәшә яшәргә язсын Илүзәгә!

 Шәфкатьлелек, яхшылык кебек күркәм сыйфатлар татар халкында иң югары бәяләнгән. Бу изге гамәлләр турында мәкаль һәм әйтемнәр иҗат ителеп, алар еллар дәвамында безне рухи яктан баета, әдәплелеккә өйрәтә.  Шуңа күрә киләчәктә дә изгелек эшләүне дәвам итик, игътибарлы, тузем булыйк.