Мәктәбебездә 1 класслар өчен зур бәйрәм - Әлифба бәйрәме үтте. Бәйрәмне сыйныф җитәкчесе Валиуллина Д. оештырды. 1 класс укучылары бу бәйрәмгә бик тырышып  әзерләнделәр. Шигырьләрен, җырларны ятладылар. Көн саен бәйрәмгә әзерлек чорында аларның җыр кабатлаулары ишетелде. Хәрефләр  белән  танышу,  алардан  иҗекләр,  сүзләр  төзү  җиңел  булмады. Әмма  беренчеләр  тырышып  белем  алдылар:  укырга,  язарга өйрәнделәр.  Әлифба  аларны  дус,  тату булырга,  укучылар  өчен кагыйдәләрне  үтәргә өйрәтте. Бәйрәмгә әти-әниләр килде. Бу бәйрәм – барыбызның да уртак бәйрәме. Киләчәктә дә тагын шундый бик күп хезмәт уңышларын  бәйрәм итегез, беренчеләр!