“Мәгариф” педагогик журналы – республиканың барлык укытучыларына да хезмәт итә торган басма, мәгариф системасында эшләүче һәркем өчен дә кызыклы. Биредә гомуми педагогик характердагы мәсьәләләргә зур урын бирелә, белем бирүгә караган инновацияләр һәм алдынгы тәҗрибә яктыртыла,  мөгаллимнәр өчен методик һәм дидактик материаллар бирелә, ФДБС буенча үрнәк дәрес эшкәртмәләре, дәресләрдә кулланырлык күнегүләр, тестлар һәм текстлар урын ала, укытучыларда кыенлык тудырырга мөмкин лингвистик очраклар турында галимнәрдән аңлатмалар алына – кыскасы, укытучыга практик кулланма булырлык эш материалларыннан тора. Безнең мәктәпнең югары квалификация категорияле башлангыч сыйныф укытучысы  Д. Вәлиуллинаның да беренче сыйныфлар өчен математикадан “Санга 4не кушу  һәм саннан 4 не алуны ныгыту”  темасына төзелгән дәрес эшкәртмәсе  “Мәгариф”  журналында 2017 елның февраль санында басылып чыкты.