4 сыйныфларда “Татарстан варислары без – улларыңа лаек алмашлар”диеп исемләнгән отряд  сборы булды.

Бүген 4 сыйныф укучылары  кешеләрдә әйләнә - тирә мохиткә карата шәфкатьлелек уяту, табигатьне саклау, туган ягыбыз белән тирәнтен танышу максатыннан чыгып , “Татарстан варислары без,улларыңа лаек алмашлар”диеп исемләнгән отряд  сборы үткәрделәр.

Сборы барышы:

I. Кереш өлеш. Рапортлар тапшыру.

II.Төп  өлеш.

а)Варислар кемнәр алар? (Варислар турындагы белемнәрне ныгыту)

- Варислар алар - юлда, хәрәкәттә, эзләнүдә;

-Варислар алар үзләре өчен яңа дөнья ачучылар; кешеләр арасындагы мөнәсәбәтләрне өйрәнүчеләр;

-Варислар алар күп нәрсә белән кызыксынучылар; тирә-якны нык күзәтүчеләр.

-Варис тирә-юньне өйрәнеп, анда үз урынын эзли.

-Варис яшь разведчик, туган як серләрен, аның җир асты байлыкларын, тарихын һәм мәдәниятын өйрәнүче, тикшерүче.

-Варис үзеннән алдагы буыннарның бар байлыгын, туган җирен, телен, гореф-гадәтләрен һәм республикада яшәүче башка халыкларның милли традицияләрен мирас итеп алучы яшь гражданин.

-Варис дөреслек, хаклык өчен кыю тора.

-Варис тугрылыклы иптәш, олыларга һәм кечеләргә булыша, беркемне дә     авырлыкларда ялгыз калдырмый.

 -Варис күп белергә, көчле һәм җитез булырга омтыла.

  -Варис табигатьне, туган ягын, мәдәниятне уяу саклый.

-Варис республикасына булыша, аның лаеклы гражданины булырга тырыша.

 б) “Туган ягыбызның яме” темасына карата әңгәмә.

 Мондый сборлар баланы  Һәрьяклап үстерүгә булышлык итә, яшь буынны тормышка әзерли,  варисларның активлыгын, аң-белемен, үткенлеген, тугрылыгын үстерә. Яшь буынга үз-үзләрен ачарга, үзенең мөмкинлекләрен үзенә гамәлгә ашырырга өйрәтә.

(Сыйныф җитәкчесе: Валиуллина Д.Г.)