Һәр милләттә исеме телгә алынуга ук ихтирам уята торган шәхесләр була. Муса Җәлил әнә шундыйларның берсе. Юк, ул исем генә түгел, бәлки тирән мәгънәле символ да. Чөнки бу исемнең синонимнары булып, батырлык, кыюлык, каһарманлык, талантлылык, тугрылык  кебек сүзләр тора. Ул чыннан да, бу сүзләрнең һәммәсенә лаек кеше. Аның батырлыгын бөтен дөнья белә.

    Муса Җәлилнең иҗади мирасын популярлаштыру, герой-шагыйрьнең иҗатына кызыксынуны арттыру, яшь буынны патриотик рухта тәрбияләү максаты белән безнең мәктәптә Муса Җәлил шигырьләре буенча шигырь бәйгесе үткәрелде.

   Әлеге бәйгедә барлык сыйныф укучылары да  актив катнашты. Алар үзләренә ошаган шигырьләрне татар һәм рус телләрендә шул кадәр матур, сәнгатьле итеп, тыңлаучылар игътибарына тәкъдим иттеләр.