Ул әңгәмә формасында алып барылды. Кем ул герой, бу сүз нәрсәне аңлата, Геройлар көненең үткәрелү максатлары турында сорауларга барлык сыйныф укучылары да бик теләп җавап бирде. Бүгенге көн кадагына туры килгән өлештә, махсус операциядә катнашучы авылыбыз егетләре турында мәгълүмат бирү, аларның катнашындагы фото һәм видеолар белән үрелеп барды. Бу исә укучылар тарафыннан бик җылы кабул ителде. Ахыргы өлештә, Галимова Р.З. җитәкчелегендә оештырылган башлангыч сыйныф укчылары трафыннан куелган “Тылның яшь геройлары” исемле сәхнәләштерелгән күренеш, залда утырган укучыларның һәм укытучыларның күзләренә яшь китерде. Оештырылган әлеге чара, куелган максатларга тулысы белән җавап бирерлек дәрәҗәдә үткәрелде. Барлык тамашачылар да, илдә – көндә тынычлык булсын, дигән фикерне тагын бер кат кабатлап, оештыручыларга рәхмәт әйтеп, таралышты.