Татар халкы үзенең бөек шагыйре Габдулла Тукайны онытмый. Ел саен 26 апрельдә аның туган көнен билгеләп үтә. Безнең балалар бакчасында бөек татар шагыйре Габдулла Тукайның 140 еллыгына багышланган, сабыйларда Г.Тукайның иҗатына кызыксыну тәрбияләү максатыннан, төрле чаралар оештырылды. Йомгаклау чарасы буларак, "Тукай - безнең күңелләрдә" дигән әдәби - музыкаль кичә узды.

   25 апрель-Бөтенроссия “Эколяталар көне”. Безнең балалар бакчасында әлеге вакыйгага багышланган чаралар старт алды. Төп максат-мәктәпкәчә яшьтәге балаларда табигатькә сакчыл караш формалаштыру һәм экологик культураны үстерү. Бакчабызда «Эколяталар — табигать сакчылары» дип исемләнгән мавыктыргыч күңел ачу чарасы узды.

   "ЭкоЯз-2026" конкурсының дүртенче атнасы "Табигать язмышы безнең кулларда" тематик атна кысаларында бездә тәрбияләнүче балалар, әти-әниләре ярдәме белән җиләк-җимеш агачлары утыртуда актив катнаштылар. Планетабызның яшел киләчәгенә без инде бүген үк өлеш кертә алабыз. Балалар утырткан үсентеләр үсеп китәр һәм планетабызны матурлыгын һәм яшеллеген саклап калырга ярдәм итәр. Һәм тагын күп еллар чәчәк атып, тәмле җимешләре белән дә сөендерер.
Акциянең максаты: җирне яшеллек белән бизәү генә түгел, балаларда кечкенәдән үк табигатькә мәхәббәт тәрбияләү, һәм әйләнә-тирә дөньяга сакчыл мөнәсәбәтнең мөһимлеген аңлау.

    Республикада санитар-экологик икеайлык һәм «Экояз» бәйгесе дәвам итә. 4нче атна - “Табигать язмышы безнең кулларда”. Без дә «Табигатькә ярдәм итик» дигән экологик диалог үткәрдек, анда табигатьне һәм аның ресурсларын ничек сакларга кирәклеге, кешенең әйләнә-тирә мохитка нинди йогынты ясавы һәм безнең уртак йортыбыз – Җир планетасын саклау өчен нәрсә эшләргә кирәклеге турында фикерләр алыштык, рәсем ясадык. Экология – табигать белән организмның үзара мөнәсәбәтен өйрәнүче фән. Әлеге фәнне өйрәнү планетабызда яшәүче һәр кешегә кирәк. Табигать, һава, чиста су һәм ризыксыз яшәү мөмкин түгел.

   "ЭКОяз 2026" республика конкурсы кысаларында 13 апрельдән 19 апрельгә кадәр "Экологик илһам калейдоскобы" (икенчел чималдан рәсемнәр һәм кул эшләре ясау) атнасы узачак.Шуңа бәйле рәвештә без "ташландык материалдан могҗизалар" кул эшләре конкурсын башлап җибәрдек. Рәсемнәр һәм икенчел чималдан эшләнгән эшләнмәләр (интерьер декорлары, көнкүреш әйберләре, кием һәм аксессуарлар, балалар уенчыклары, шулай ук СВО ихтыяҗлары өчен файдалы эшләнмәләр, шулай ук Г.Тукай иҗатына багышланган эшләр дә кабул ителә.

  Апрель - Г.Тукай айлыгы. Габдулла Тукай-татар әдәбияты күгендә янган якты йолдызларның иң зурысы. Ул калдырган иҗат мирасы һәм андагы рухи яктылык-безнең горурлыгыбыз. Аның исеме һәм язмышы мәдәниятебез тарихының үткәне, бүгенгесе һәм киләчәге белән мәңгегә бәйләнгән. Туган телебезгә, туган ягыбызга, аның табигатенә мәхәбәт, хөрмәт хисләре безнең күңелләргә балачакта сөйләнгән Тукай шигырьләреннән, әкиятләреннән иңәдер.Аның әсәрләре шулай ук хезмәткә мәхәббәт уята, нәниләрне шәфкатьле, мәрхәмәтле булырга өйрәтә. Г.Тукайның китапларын укырга ничек кызыксыну тудырырырга, матур әдәбият әсәрләре белән кызыксындыру, сәнгатьле шигырь сөйләү күнекмәләрен ничек камилләштерергә дигән сорауга җавапны эзләп без китапханәгә мөрәҗәгать иттек

   12 нче апрель-космонавтлар көне уңаеннан, балалар бакчасында тематик атналык үтте . Балалар белән, "Кем ул космонавт?" темасына мөһим сөйләшү үткәрелде, шулай ук әлеге темага кагылышлы презентация, мультфильмнар каралды. Балалар галәм буйлап мавыктыргыч сәяхәттә булдылар: йолдызлар һәм планеталар, космик корабльләр турында белделәр, кызыклы мәгълүматлар тупладылар. Төрле кызыклы уеннар уйнадылар, төрле милләттән булган космонавтлар, Юрий Гагаринның биографиясе белән таныштылар, ракеталар төзеделәр!

    11 апрельдә Россиядә йорт хайваннары көне билгеләп үтелә.Без көн саен алар турында сөйләшсәк тә, ул көнне аерым игътибарга алабыз.Аның максаты: балаларда шәфкатьлелек, мәрхәмәтлелек, кызгану, барлык тереклеккә кешелеклелек, йорт хайваннарына җаваплылык, аларга сакчыл мөнәсәбәт тәрбияләү.

   7 апрельдә Бөтендөнья сәламәтлек көне билгеләп үтелә. Әлеге дата кешеләрне үз сәламәтлегенә игътибар итәргә өнди. Безнең иртә һәркәнне күңелле зарядка белән башланып китә. Ә бүген көн дәвамында балалар белән сәламәт яшәү рәвеше турында әңгәмәләр үткәрелде , матур әдәбият укылды һәм сәламәтлек темасына иллюстрацияләр, презентация каралды. Балалар эстафеталарда һәм ярышларда катнаштылар, хәрәкәтле уеннар уйнадылар. 

   Безнең балалар бакчасында театрга багышланган чаралар узып тора. Алар белән әңгәмәләр үткәрелә: "Нинди театрлар була?", "Театрда үзеңне ничек тотарга", "Курчак театры булдыру тарихы". Балалар театр атрибутларын һәм әкият персонажларының төрле костюмнарын кулланып, халык әкиятләре буенча драматизация уеннарын рәхәтләнеп уйныйлар. Ел саен республика күләмендә уздырган “Сәйяр” балалар һәм яшүсмерләр театр фестиваленең муниципаль этабында призлы урыннар алабыз.Театр артисты булу һәр балага да ошый. Шуларны ныгытып, без бүген авыл китапханәсенә һәм мәдәният йортына экскурсиягә бардык. Авылыбызның мәдәният йорты авылдашыбыз Кәрим Тинчурин театрының күренекле артисты Наил Шәйхетдинов исемен йөртүен искә төшердек.