Безнең балалар бакчасында әһәмиятле вакыйга - "Беренчеләр хәрәкәте" билгеләрен тапшыру тантанасы узды. Хәрәкәтнең иң актив катнашучылары моңа иреште! Алар лидер, актив гражданлык позициясе булган, куелган максатларга ирешергә тырышкан, яраткан эшләрендә беренче булырга, һәрвакыт үрнәк булырга әзер торучылар. Бәләкәйләр дә читтә калмады, апа-абыйларына кушылырга теләк белдерде. Балаларга ирешелгәннәрдә генә тукталып калмаска, җитез, актив булырга!

    8 атна: «Чиста су» — сулыклар һәм яр буйларын чистарту. Без һәрвакыт су буйларында үз-үзеңне тоту кагыйдәләре турында әңгәмәләр үткәрәбез, чисталыкны саклау буенча да эшләр алып барабыз, чүп-чарны җыябыз.

     Экоязның 7 нче атнасы башланды. Бу атна "Без чүп-чарны аерым җыю яклы" (макулатура, пластик, кием-салым җыю һәм тапшыру) исеме астында үтәчәк. Атна кысаларында без балалар белән “Чүп-чарны аерым җыю” темасына әңгәмә үткәрдек.Шүрәле дә дуслары белән табигатьне пычратучыларны очратуын сөйләде. Алар калдыклар проблемасы, аларны эшкәртү, аерым җыю, күмү, яндыру, әйләнә-тирә мохитне пычрату кебек төшенчәләр белән таныштылар.

    Җиңү көненә багышланган тантаналы митинг. Җиңү көне, безнең өчен , киләчәк буыннар өчен батырлык кылучыларга рәхмәт хисләре уята. Безнең илдә һәр гаиләгә сугыш җиле кагылган һәм һәр гаиләнең үз батыры бар. Бөек Җиңүнең 81 еллыгын билгеләп үтүебез өчен без барлык батырларыбызга рәхмәт белдерәбез! Шулай ук авган, чечня, украинадагы батырлар да илебезнең тынычлыгын саклауга зур өлеш кертә.
    8 нче май көнне, мемориал такта,һәйкәл янында Бөек Ватан сугышында Җиңүнең 81 еллыгына багышланган тантаналы митинг булды.
Авыл халкын, кунакларны якынлашып килүче бәйрәм белән котладылар, сәламәтлек, бәхет, иминлек һәм аяз күк йөзе теләделәр, төп гомуми белем бирү мәктәбе әдәби-музыкаль композиция әзерләгәниде. Һәлак булганнарны бер минут тынлык белән искә алдык. Митинг һәйкәлләргә чәчәкләр салу белән тәмамланды. Парад бәйрәмне тагын да җанландырып җибәрде.

"Җиңү тәрәзәләре" Бөтенроссия акциясе

    Җиңү көнен каршылап балалар бакчасында бик күп чаралар үткәрелде: төрле темаларга әңгәмәләр, тәрәзәләр бизәлде, тәрле кул эшләнмәләре ясалды, рәсем конкурсы үткәрелде. Актив катнашучы гаиләләргә бик зур рәхмәт.

   «Геройлар янәшәбездә яши» – мемориалларны төзекләндерү, сугыш һәм хезмәт ветераннарына, СВО да катнашучыларга ярдәм атнасы.Бүген без, геройларыбызга игътибар күрсәтү максатыннан, авылыбыз мәдәният йорты каршындагы һәйкәл янында булып, андагы чүп-чарны җыештырдык, чәчәкләр утыртырга булыштык. Бу — буыннар арасындагы какшамас бәйләнешнең һәм безнең геройларыбызга булган тирән хөрмәтебезнең билгесе.

    Геройлар — безнең арада! «ЭкоЯз»ның 6 нчы атнасын башлыйбыз!Татарстанда «ЭкоЯз» республика конкурсы дәвам итә. Халыклар бердәмлеге һәм Хәрби батырлык һәм хезмәт фидакарьлеге елы, Җиңүнең 81 еллыгы уңаеннан, 6 нчы атна «Безнең Геройлар янәшәдә яши» номинациясенә багышланды. Номинациянең төп максаты — геройларыбызга игътибар күрсәтү һәм аларның ишегалларын, тирә-юньне җыештырып, яшелләндереп, игелекле эшләр башкару. Без дә шуны истә тотып, «Буыннар хәтере» фонды һәм «Җиңү волонтерлары» Бөтенроссия иҗтимагый хәрәкәте үткәргән «Кызыл канәфер» Бөтенроссия хәйрия акциясенә кушылдык. 

   Татарстанда экологик акция дәвам итә. Бишенче атна «Тынычлык, хезмәт, май» (йорт яны территорияләрен төзекләндерү буенча чаралар һ.б.). Безнең балалар бакчасында тәрбияләнүчеләр дә бу акциягә кушылдылар. Алар әти-әниләре белән бергәләшеп, йорт тирәсендәге участокларда һәм бакчада теләп эшлиләр. Йорт тирәләрен төзекләндерүдә барлык әти-әниләр дә катнашсын иде дигән теләктә калабыз. Табигатьнең чисталыгы безнең кулларда!

   «ЭкоЯз- 2026» экологик конкурсының яңа атнасы 5 атна- «Тынычлык, хезмәт, май» исеме астында уза (мәктәп, балалар бакчасы һәм йорт тирәләре, парк һәм скверларны төзекләндерү чаралары).Язгы май, гадәттә, чәчәк атучы табигать һәм яңа тормыш башлануы белән ассоциацияләнә. Нәкъ менә бу чор безне тирә-юньдәге экологик хәлне яхшырту өчен изге эшләр һәм аңлы гамәлләр кылырга илһамландыра. Без дә балалар бакчасы мәйданчыгын һәм аның тирә-ягын чистарту буенча актив эшчәнлекне башладык.