Әмир авылында туып үсеп, хәзергесе вакытта Сургут шәһәрендә гомер итүче хөрмәтле якташыбыз Әгләмов Миндар Әгзәм улы үзенеңтормыш иптәше Гөлфия ханым белән бездә кунакта булып китте."Без күпфункцияле үзәкне матур дип күз алдына китерә идек, ләкинмоның кадәр үк дип уйламаган идек", - диделәр алар үзләренең шатлыкларын, соклануларын белдереп. "Мондый шартлар тудырылган бинада сезгә бик тырышып укырга гына кала", дип балаларга үз теләкләрен белдерделәр алар. Бертуган Әгламовлар һәрдаим туган авылларына һәм мәктәбебезгә булышып торалар. Күпфункцияле үзәкне төзегән вакытта да үз өлешләрен керттеләр. Бу эшләре өчен аларга барлык авылдашлар, ата - аналар исеменнән олы рәхмәтебезне белдерәбез. Эшләрендә гел уңышлар, нык сәламәтлек телибез.