Бүген әти-әниләр һәм районнан чакырылган кунаклар белән берлектә очрашу булып узды. Очрашуның кунаклары: Чирмешән авылыннан Хәбир хәзрәт, районның мәгариф бүлеге методисты Мифтахов Габделбәр Раиф улы әти-әниләр белән балаларны тәрбияләүдә кирәкле булган мөһим мәсьәләләр хакында ачыктан-ачык сөйләштеләр, үзләренең шәхси фикерләрен җиткерделәр, киңәшләрен бирделәр һәм теләкләрен белгерттеләр. Киләчәк буын кешеләренә нинди асыл сыйфатлар хас булырга тиешлеге турында, балаларны тормышның төрле шартларына әзер булырлык, үз урыннарын табып, заманага яраклашып яшәү өчен нинди чаралар күрергә кирәклеге, нәрсәләргә өйрәтергә кирәклеге турында сүз барды бу әңгәмә барышында. Әти-әниләр дә үз чиратында үзара фикер алыштылар, кунакларга булган сорауларын бирделәр.