Балалар бакчасында дидактик уен - бала шәхесен һәрьяклап тәрбияләү ысулы, ул уен эшчәнлеге белән бәйле. Балалар дидактик уен барышында кирәкле белемнәрне алалар. Дидактик уеннарның эчтәлеге балаларда җәмгыять тормышы күренешләре, табигать, әйләнә-тирә дөнья предметлары турында күзаллаулар формалаштыра. Шулай ук һөнәр, хезмәт эшчәнлеге турындагы белемнәрне системалаштыра һәм тирәнәйтә. Дидактик уеннар хәтерне, акыл һәм иҗади сәләтләрне үстерэ, уеннар ярдәмендә тәрбияче балаларны мөстәкыйль фикер йөртергә, алган белемнәрен төрле шартларда кулланырга өйрәтә.