1 июнь – Халыкара балаларны яклау көне. Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк. Сезгә боларның барын да телибез. Балалар - безнең тормышның мәгънәсе. Балалар безгә ышана, без аларга кирәк, алар бездән башка яши алмый. Балаларыбыз ышанычын югалтмыйк, аларны тагын да бәхетлерәк итәргә омтылыйк. Һәр бала әти-әнисе кочагында үссен, аларга олылар тарафыннан һәрвакыт игътибар, кайгырту һәм мәхәббәт булсын. Барлык балаларга да яхшы ял, ныклы сәламәтлек һәм күңелле тәэсирләр телибез. Иркәләгез әле балаларны, Иркәләгез, назлап сөегез. Син матурым, син алтыным минем, Мин яратам сине, - диегез!! Кыерсытмыйк әле балаларны, Кителмәсен нечкә күңеле. Балачак бит - тик бер генә була, Сизелми дә кала үткәне.