4 нче сыйныфтагы бердәнбер укучыбыз –Талипова Диләрә Әнәс кызы, укуын уңышлы тәмамлап, 5 сыйныфка күчерелә. Язгы бөреләр тулган, яфрак ярган, кояш җылысы дәрт уяткан, күңелне юаткан көннәрнең бер мизгелендә мәктәпләрдә соңгы кыңгырау яңгырый. Шул якты да, моңсу да мизгелең белән котлыйбыз сине! Май ае ул – шомырт чәчәкләре төнне яктырткан, җанны җылыткан, йөрәктәге хисне дәрьяга әверелдергән вакыт. Күңелеңедә көн дә кояш, көн дә яз булсын! Саулык телибез Сиңа, бәхет Сиңа! Гомер юлың гөлләргә күмелсен!