26 нчы март көнне, Буа районы Яңа Чәчкаб гомуми белем бирү мәктәбендә үткәрелгән Әхмәт Рәшитов исемендәге “Кояшлы ил” III нче республикакүләм фәнни-гамәли конференциядә безнең мәктәп укучылары да актив катнашты һәм уңышларга ирештеләр.

1-2 нче сыйныфлар арасында “Җәннәт әниләр аяк астында” секциясендә 1 нче в сыйныфы укучысы Айнуллов Искәндәр 3 нче дәрәҗәле, 2а сыйныфыннан Хисамутдинов Ислам (укытучылары Абзалова Э.Р.) 1 нче дәрәҗәле , 2нче а сыйныфыннан Низамов Кәрим ( укытучысы Хәсәнҗанова Л.М.) 1 нче дәрәҗәле дипломнар белән бүләкләнделәр. 3-4 нче сыйныфлар катнашкан “Җәннәт әниләрнең аяк астында” секциясендә 3 нче а сыйныф укучысы Попов Владимир ( укытучысы Загретдинова Л.Н.) 2 нче дәрәҗәле диплом белән бүләкләнде. “Үзем сайлаган язмыш!” секциясендә уңышлы чыгыш ясаучы 8 нче сыйныф укучысы Гыймадова Зилә (укытучысы Загретдинова Л.Н.) 1 нче дәрәҗәле дипломга ия булды. Укучыларыбызны чираттагы ирешкән уңышлары белән кайнар котлыйбыз һәм киләчәктә дә уңышлар телибез!