Герой- шагыйрь Муса Җәлилнең туган көне “Алтынчәч” балалар бакчасындагы әзерлек төркемендәге балалар һәм безнең мәктәпнең 3а сыйныфы укучылары белән берлектә билгеләп үтелде. Әлеге бәйрәм үзенең зәвыклылыгы, оешканлыгы белән аерылып торды. Балалар бакчасының татар теле белгече Гөлнара Ирек кызы һәм мәктәпнең татар теле һәм әдәбияты укытучысы Энҗе Равил кызы Муса Җәлилнең тормыш юлы белән таныштырып киттеләр. Балалар М.Җәлилнең тормыш юлына һәм иҗатына багышланган сорауларга җавап бирделәр, шагыйрьнең “Кызыл ромашка”, “Карак песи”, “Кызыма”, “Әтәч” һ.б. бик күп шигырьләрен сәнгатьле итеп яттан сөйләделәр, аның шигырьләренә язылган җырлар тыңладылар. Кичә бик күңелле үтте!