"Светофорик"балалар бакчасында  Габдулла Тукайның иҗат кичәсен ел саен билгеләп үтәбез. Менә быел да яраткан язучыбызның әкиятләренә сәяхәт кылдык.Кичә барышында шагыйрьнең тормыш юлын искә төшердек. “Кызыклы шәкерт”, “Шүрәле”, “Су Анасы”, “Кәҗә белән сарык”" Бала белән күбәләк" әсәрләрен сәхнәләштердек. Тукайның балалар өчен язган шигырьләре яңгырады.
"Габдулла Тукай әсәрләре ялганламаска, җәнлекләрне, табигатьне яратырга, гадел, мәрхәмәтле булырга өйрәтә. Ә сабыйларыбызның аның әсәрләрен белүләре, татарча матур итеп сөйләүләре горурлык хисе уята. Безнең киләчәк буын саф, чиста бөек татар телендә горурланып сөйләшсен иде. Тәрбиячеләрнең төп бурычы, әнә шул теләкләрне чынга ашыру.