Татар мультфильмнары - милли мәдәниятны чагылдыруның һәм үстерүнең заманча анимацион формасы булып тора. Бу мультфильмнар балаларда визуаль образлар, җыр һәм музыка мәдәнияте, татар сынлы сәнгате һәм татар шагыйрьләре һәм язучыларының әсәрләре аша татар телен һәм татар халкының үзенчәлекле мәдәниятен тирәнрәк аңларга ярдәм итә. Бүгенге көндә “ Светофорик” балалар бакчасында да мултьстудия эшчәнлеге алып барыла. Татар телен укыту буенча тәрбияче Сафиуллина Г. Җ. балаларны мультипликация серләре, тере булмаган предметларның ничек җанлануы (анимация) турында һәм безнең балалар бакчасында тәрбияләнүчеләр тарафыннан эшләнгән һәм төшерелгән мультфильмнар белән таныштырды. Эшчәнлек барышында балалар уңай һәм тискәре геройларның чагылышын,сюжет сызыгының төзелешен,техника серләрен ныклап өйрәнделәр. Нәтиҗәдә, балаларда барлык мультфильмнар да гыйбрәтле дигән нәтиҗәгә килделәр,һәркайсында хезмәтне бергә башкару теләге уянды.