Сабан туе-хезмәт туе,
Шатлык һәм бәхет туе.
Котлы булсын, бердәм булсын
Ямьле Сабан туйлары!
Сабантуй бәйрәме - татар халкының көтеп алынган иң олы бәйрәмнәренең берсе.  Сабантуй- дуслык, хезмәт бәйрәме!
" Светофорик" балалар бакчасында да бу бәйрәмне  шатланып көтеп алдылар. Быел да бәйрәмне  бакчабызда милли гореф- гадәтләрне саклап, балаларны үзара дуслаштыру , берләштерү,уеннар аша сөйләм телен үстерү максатыннан оештырдык. Бәйрәмне мәктәпкә әзерлек төркемендә тәрбияләнүче балалар музыкаль сәлам белән башлап җибәрделәр. Заманча биюләр, җырлардан соң бәйрәмнең иң кызыклы өлеше- милли уеннар башланып китте. Һәр төркем балалары " Су ташу", " Капчык сугышы", " Кашык белән йомырка ташу", " Чүлмәк вату", " Аркан тартышу" һәм башка бик күп уеннарда катнашып, күңел ачтылар. Сабантуй  шаулап- гөрләп үтте.