Апрель ае – бөек шагыйребез Габдулла Тукайның туган ае, шигърият ае.  "Светофорик" балалар  бакчасында без Габдулла Тукайның иҗат кичәсен ел саен билгеләп үтәбез. Менә бүген дә яраткан язучыбызның әкиятләренә сәяхәт кылдык.  Кичә барышында шагыйрьнең тормыш юлын искә төшердек. "Кызыклы шәкерт", "Бала белән күбәләк", "Эш беткәч уйнарга ярый" әсәрләрен сәхнәләштердек. Тукайның балалар өчен язган шигырьләре яңгырады.
Габдулла Тукай әсәрләре ялганламаска, җәнлекләрне, табигатьне яратырга, гадел, мәрхәмәтле булырга өйрәтә. Ә сабыйларыбызның аның әсәрләрен белүләре, татарча матур итеп сөйләүләре горурлык хисе уята.